സൂര്യോദയം ഡയറിക്കുറിപ്പുകള്‍...

Sooryodayam Diary.... (This blog is in Malayalam language. To view, please install any Malayalam Unicode font. Eg. AnjaliOldLipi)

Tuesday, March 06, 2007

കിട്ടും യാഹൂനും കൊട്ട്‌

ഇത്തിരി വൈകിയാണെങ്കിലും ഞാനും യാഹൂവിന്റെ ഫാദറില്ലായ്മത്തരത്തില്‍ ഒന്ന് പ്രതിഷേധിക്കട്ടെ...കട്ടതും പോര, കട്ടമുതല്‌ തന്നവനെ ചൂണ്ടിക്കാണിച്ച്‌ കയ്യൊഴിയാന്‍ നടത്തുന്ന വൃത്തികെട്ട പ്രവണതയും അവരുടെ അന്തസ്സില്ലായ്മയെ തിളക്കമേറ്റുന്നു.

ചെറുപ്പത്തില്‍ കേട്ടിട്ടുള്ള ഒരു കഥയാണ്‌ താഴെ... കൃത്യമായി ഓര്‍മ്മയില്ലെങ്കിലും അതിന്റെ രത്നച്ചുരുക്കം പറയാം...
************
ഒരു പാവപ്പെട്ട ഒരുവന്‌ ദൈവം അവന്റെ കഷ്ടപ്പാടില്‍ അനുകമ്പ തോന്നി ഒരു വരം കൊടുത്തു. ഒരു ആട്‌....

ആ ആടിനോട്‌... 'തൂറാടേ മൂന്നുകൊട്ട..' എന്ന് പറഞ്ഞാല്‍ അത്‌ മൂന്നു കൊട്ട ആട്ടിന്‍ കാട്ടമായി സ്വര്‍ണ്ണം നല്‍കും....

ഇത്‌ പണക്കാരനാണെങ്കിലും ദുഷ്ടനും കൊതിയനുമായ ഒരുവന്‍ ഒളിഞ്ഞ്‌ നിന്ന് കാണുന്നുണ്ടായിരുന്നു.
അന്ന് രാത്രി, ആ പാവം ഉറങ്ങാന്‍ കിടന്നപ്പോള്‍ ഈ ദുഷ്ടന്‍ വന്ന് ആ ആടിനെ മോഷ്ടിച്ച്‌ കൊണ്ടുപോയി...

പാവം മനുഷ്യന്‍... പിറ്റേന്ന് ആടിനെ കാണാതെ വിഷമിച്ചു... വീണ്ടും കഷ്ടപ്പാടും ദാരിദ്ര്യവും....

വീണ്ടും ദൈവം പ്രത്യക്ഷപ്പെട്ടു....

ഇത്തവണ ഒരു കുതിരയെ സമ്മാനിച്ചു...'തുമ്മ് കുതിരേ പന്തീരായിരം...' എന്ന് പറഞ്ഞാല്‍ കുതിര പന്തീരായിരം സ്വര്‍ണ്ണനാണയങ്ങള്‍ തുമ്മും...

ഇനിയും ഇയാള്‍ക്ക്‌ വല്ലതും കിട്ടുമോ എന്നറിയാന്‍ ആ ദുഷ്ടന്‍ എന്നും രാത്രി ഒളിഞ്ഞ്‌ വീക്ഷിച്ചുകൊണ്ടിരിക്കുന്നതിനാല്‍ ഈ സംഭവവും ഇയാള്‍ കാണാനിടയായി. അയാള്‍ രാത്രി വന്ന് ആ കുതിരയെ കട്ട്‌ കൊണ്ട്‌ പോയി.

ഇതെല്ലാം ദൈവം കാണുന്നുണ്ടല്ലോ....

അടുത്ത തവണ ദൈവം ആ പാവപ്പെട്ടവന്റെ മുന്നില്‍ വന്നിട്ട്‌ പറഞ്ഞു.
'നിനക്ക്‌ പലതും ഞാന്‍ തന്നു. എല്ലാം ആരോ മോഷ്ടിച്ചു. ഇനി ഞാന്‍ തരാന്‍ പോകുന്നത്‌ ഏറ്റവും വിശിഷ്ടമായ ഒന്നാണ്‌. ഇത്‌ മൂലം നിനക്ക്‌ പോയതിന്‌ തുല്ല്യമായത്‌ തിരികെ കിട്ടും'.

മറ്റേ കൊതിയനായ മനുഷ്യന്‍ ജനലിന്റെ അരികില്‍ ഒളിഞ്ഞ്‌ നില്‍ക്കുന്നത്‌ ദൈവം കണ്ടു.

ദൈവം ഒരു വടി ഈ പാവം മനുഷ്യന്‌ കൊടുത്തു. എന്നിട്ട്‌ പറഞ്ഞു...

'കൊട്ട്‌ വടി സ്വര്‍ണ്ണ വടി... എന്ന് പറഞ്ഞാല്‍ മതി. നിന്റെ സൗഭാഗ്യങ്ങള്‍ വന്ന് ചേരും. പക്ഷെ ഇന്ന് വേണ്ട... സാവധാനം മതി...'

ഇത്രയും പറഞ്ഞ്‌ ദൈവം അപ്രത്യക്ഷനായി.

അന്ന് രാത്രി മറ്റേ ദുഷ്ടന്‍ വന്ന് ആ വടി മോഷ്ടിച്ച്‌ കൊണ്ടുപോയി. അയാല്‍ വീട്ടില്‍ ചെന്നു.

കെട്ടിയിട്ടിരിയ്കുന്ന ആടിനെയും കുതിരയെയും അഭിമാനത്തോടെ നോക്കി.. 'എല്ലാം എന്റെ...' എന്ന് ആത്മകതം പറഞ്ഞു. എന്നിട്ട്‌ ആ വടിയെ കയ്യിലെടുത്തു.
'കൊട്ട്‌ വടി... സ്വര്‍ണ്ണ വടി..' എന്ന് പറഞ്ഞതും വടി നിര്‍ത്താതെ അയാളെ അടി തുടങ്ങി....

'അയ്യോ.. അയ്യോ..' എന്ന് നിലവിളിച്ചുകൊണ്ട്‌ ഓടിയിട്ടും വടി പിന്നാലെ വന്ന് അടിയോടടി... പൊരിഞ്ഞ അടി....

കുറച്ച്‌ സമയം തല്ല് കിട്ടിയപ്പോള്‍ അയാള്‍ക്ക്‌ വിവേകം വന്നു... താന്‍ മോഷ്ടിച്ചതിന്‌ ദൈവം തന്നതാണിതെന്ന് അയാള്‍ തിരിച്ചറിഞ്ഞു...

അയാള്‍ വേഗം തന്റെ വീട്ടില്‍ കെട്ടിയ ആടിനേയും കുതിരയേയും കൊണ്ട്‌ ഓടി ആ പാവം മനുഷ്യന്റെ വീട്ടില്‍ എത്തി. എന്നിട്ട്‌ കാല്‍ക്കല്‍ വീണ്‌ പറഞ്ഞു.... 'എന്നോട്‌ ക്ഷമിക്കണം... എനിക്ക്‌ തെറ്റുപറ്റീ..... എല്ലാം നിങ്ങളുടേതാണ്‌... എന്നെ ഈ അടിയില്‍ നിന്നൊന്ന് രക്ഷിക്കൂ....'

ഇത്രയും കഴിഞ്ഞപ്പോഴെയ്ക്ക്‌ അടി നിന്നു. വടി സ്വര്‍ണ്ണവടിയായി. അങ്ങനെ ആ പാവം മനുഷ്യന്‌ എല്ലാം തിരികെ കിട്ടി...
*****************
ഇവിടെ യാഹൂ ആ ദുഷ്ടനും കൊതിയനുമായ പണക്കാരനായ മനുഷ്യനില്‍ ആവേശിച്ചിരിയ്ക്കുന്നു. പാവപ്പെട്ട സാധാരണക്കാരുടെ സിദ്ധികളെ മോഷ്ടിച്ച്‌ കൊണ്ടുപോയി തന്റെ കുടുംബത്ത്‌ കയറ്റി സ്വന്തമായി അഭിമാനിയ്ക്കുന്നു. ദൈവം സഹിയ്ക്കുമോ.... കിട്ടും മോനേ യാഹൂ നിനക്കും അടി.... കാലം നിന്നെക്കൊണ്ട്‌ മാപ്പ്‌ പറയിയ്ക്കും... ഇല്ലെങ്കില്‍ ദൈവം തിരക്കിലായിരിയ്ക്കും... എപ്പോഴെങ്കിലും ഈ കേസ്‌ എടുത്ത്‌ ശിക്ഷ വിധിയ്ക്കും... പക്ഷെ, എല്ലാം കൂടി ചേര്‍ത്ത്‌ താങ്ങാന്‍ അന്നും ഉണ്ടാവണം...

Labels:

4 Comments:

At 7:20 AM, Blogger സൂര്യോദയം said...

അല്‍പം വൈകിയാണെങ്കിലും ഞാന്‍ പ്രതിഷേധം ഒരു കഥയിലൂടെ അറിയിക്കട്ടെ....

 
At 11:37 AM, Blogger K.V Manikantan said...

പേടിയുണ്ടെങ്കിലും പുറത്തുകാട്ടാത്ത പ്രകൃതം ഇന്നത്തെപ്പോലെ അന്നും ഉണ്ടായിരുന്നതിനാല്‍ ഞാന്‍ ഒട്ടും പേടി ഭാവിയ്ക്കാതെ അവരോട്‌ തര്‍ക്കിച്ചുനിന്നു. ഒടുവില്‍ എന്റെ തര്‍ക്കുത്തരം സഹിയ്ക്കാന്‍ പറ്റാതെ ഏതൊരാളും ചെയ്തുപോകുന്നപോലെ ഇല്ലിയ്ക്കല്‍ ഷിബു എന്റെ താടിയ്ക്കിട്ടൊന്ന് തേമ്പി...

-ഹി ഹി ഹ ഹ ഹ

 
At 8:02 PM, Blogger സൂര്യോദയം said...

സങ്കുചിതാ... ഇതിനു മുന്‍പത്തെ പോസ്റ്റിനിട്ട കമന്റാണെന്ന് തോന്നുന്നു... ങാ.. പോട്ടെ... താങ്ക്സ്‌.. :-)

 
At 8:07 PM, Blogger K.V Manikantan said...

അയ്യയ്യോ. ആ കമന്റ് ആദ്യം കൊണ്ട് വിശാലന്റെ മീറ്റിന്റെ ചോടെ ഇട്ടു. പിന്നെ അതു മാറ്റി, ഇവിടെ ഇട്ടും

-സത്യമായിട്ടും കള്ളുകുടിച്ചിട്ടല്ല. സോറി.

 

Post a Comment

<< Home